اللي مجربة موٰقع BOOKING

مرحبـآ اللي مجربة موٰقع BOOKING - أسعـآره فـ الصيف ترتفع وٰلآ تنزل ! - وٰكيف يكوٰن الدفع ؟ * .

نجمة :

حجزي من احين لانه الاسعار ترتفع اكثر واكثر ونصيحه اذا عجبج فندق وما حصلتي غرف عندهم في بوكينج دخلي دايركت من موقع وبتحصلين تحجزين ببطاقة الائتمان وتدفعين عربون حجز وبعدين لما توصلين تتفقين معاهم على طريقه الدفع كاش او لا او تدفعين المبلغ كامل مقدم اللي يريحج

تاجرة برونزية :

انا حجزت سنة2010يوم سرت ماليزيا عن طريق الموقع وايد سهل حجزة برقم الفيززا كارد وعطيتهم ايميل طرشولي الحجز طبعته وخذت اوراق الحجز وياي وعلطول من الرسبشن ندفع كاش وسلمونا مفاتيح الغرف ولا اخرونا وقالولنا الحجز بالنت وايد ارخص والصراحه كانت الرحله روعه وريلي تخبل قالي انتي خطيره

نجمة مضيئة :

نصيحة اختي احجزي من الحين لان الاسعار بترتفع اكثر كلما قرب الصيف وانتي تحجزين من الموقع انتبهي .. حطي كم عددكم اذا عندج اطفال والا ؟ وانتبهي اذا كان الحجز الغاء مجاني والا غير مسترد ليش؟ الاغاء المجاني ترومين اذا بغيتي تغيرن لفندق ثاني تلغينه بدون ما تدفعين اي شي .. بس اقري الشروط متى اخر يوم مسموح لج الالغاء واذا حجزتي غير مسترد يعني بيزاتج ما بترد لج اذا كنسلتي الحجز طبعا دايما الغير مسترد هو الارخص . بس انا افضل المجاني سبحان الله الواحد ما يعرف الضروف .

عضوة جديدة :

حبيبتي توكلي على الله واحجزي من الحين لان كلما تاخرتي كلما انحجزت الفنادق الحلوة والرخيصه مثل ماصار فيني ماحجزنا بدري والحلو والرخيص راحت علينا وحجزنا تم عن طريق البوكينج