المطاعم الحَلال ؛ ف النمسَا . .

السَلام عليكُم ، شَ الحَال ! .

.

.

مسَافرين ان شاء الله انا و ريلي ل المانيَا ، ف اخر اغسطس عندي كمّن استفسَار واتمنى انْه حد يفيدنيَ .

بليزَ $؛ اولَا ، امم بخصُوص الفنادق حجزنا خلاص اون لاين وتم الترتيِب .

.

اول مَكان ان شاء الله munich -5 schiller فندق ثاني مكان ان شاء الله zell am see badhaus ثالث مكان والاخير vienna best westeren *الحِين المشكله * انيّ ابا اعرفَ أسامي و أماكن " مطاعم حلال او عربيّه ، كُوفيات ، آسواق سُوبر ماركت ، دكاكين ، صالُونات ، او حلاقَ ! او لاندري و كل مكَان ممكِن انّي احتاجه " بلييييييزَ اي حَد عنده خبره يدلِني ! احتاي اني اعرفَ عن الضرُوريّات اكثر عن المناطٍق السياحيّه او آي معلُومات عن هالفنادقَ .

.

.

وبعدهَا عن المناطِق السياحيّه ، $؛ اي معلُومه قد تفيدني لآني اول مرّه اسير واحتاي اعرف الكثيِر لا تبخلُن (= * ويزاكٍم الله كِل خير * .

عضوة جديدة :

هِلـب ! (؛

نجمة برونزية :

مطعم اللورد في فيينا وفي كشك تركي يبيع شاورما ماذكر اسمه زيلامسي فيها مطعم علي بابا جريب فندق جراند ومطعم انطونيو

عضوة :

السلام عليكم بالنسبة ل زلامسى فى مطاعم كثيرة مكتوب عليها حلال لكنها واضح انها مش مضمونه او مشكوك بمصداقيتهم لنهم يقدمون لحم الخنزير (طبعا من نفس المطبخ ؟؟) والخمر واخص بالذكر مطعم علاء الدين ومطعم قيصر فى زلامسى شى مطعم هندى اسمة انطونيو بتزيرايا (ويبالج تنتبيهن>> لنه فى بنفس المنطقة مطعم انطونيو بتزيريا ) لكن الثانى لناس اتراك (عائلة).. وكاتبين المنيو بالعربى (وطبعا هذا يل يعطونه للسياح العرب فقط ومعدل حسب الطلب يعنى بشكل يناسب العرب او المسلمين) لكن اذا قريتى المنيو الانجليزى بتحصلين لحم خنزير وطبعا الخمر .. وبالاضافة ان كان كلبهم المصون يقوم بجولات ميدانية داخل المطبخ وهم مره يطنشونه ومره يحاولون يروغونه!! وأغلبهم على هالمنوال.. تحسين بانهم يخادعون بس عسب يمشون تجارتهم .. انصحج بمطعم على بابا فى زلامسى وفى فينا اغلب المطاعم المذكورة بالمواقع السياحيه النمساوية (المخصصة للعرب) غير حلال اللهم بس يدعون انه مورد اللحوم مالهم تركى (اونه يعنى حلال) .. ولا بعضهم زايد على الخمر ولحم الخنزير جلسات وناسة وطرب .. (رقاصة) مما يجعله اشبة بالكبارية ويكتبون عليه حلال!! بالنسبة لفينا ..سيروا شارع Meidlingerger HauspTstrase هنالك منطقة تمشى وسوق ( قريب من قصر الشونبورن) .. يكثر فيه المهاجرين الاتراك والافارقه .. وبتحصلين لج كذا مطعم محطين علامة حلال ولا حتى يبعيون فيه الخمر وبعضهم محطيى شهاده الذبح الحلال (طبعا مؤرخة من سنة الف تسعميه وحطبه . .. لكن ماشى الحال) وبعد بتحصلين لج سوبرماركت تركى بعد فيه لحومات حلال اذا كنتوا ماخذين لكم شقة بمطبخ ممكن تطبخين براحتكم حلال x حلال بشكل عام اذا كنتى من النوع يل يحرص على الاكل الحلال ف الاغلب يقضيها بيتزا وباستا لكن المشكلة انه الجسم يفقتد البروتينات فتضطرين تاخذين من عندهم حتى لو انه مشكوك بمصداقيتهم! ان شاء الله تستانسون بالسفر تحياتى

عضوة :

و نسيت اضيف :اخذوا حوايجكم او مقاضيكم الصغيره من هناك.. من البقالات المحلية او السوبر ماركات شرا غرش الماى والكلينكس والبسكويتات و قهوة العصر او شياتها من عندهم ..(طبعا لا تاخذينها من الاماكن السياحية او الاكشاك المنتشرة بيكون سعرها تربل) اما فى السوبرماكت او البقالات كل شى متوفرة وباسعار ارخص من عندنا وطبعا اوفرعليج من العتال بدال لا تحملين اشياء وهى متوفرة هناك وبرخص! بس هم يبالج تقرين المكونات اذا كنتى بتاخذين شى من الماكولات .. كل شى عندهم يحشونه بلحم خنزير او خمر!!