السلام عليكم ورحمة الله وبركاته ,, حبيت تعطوني من خبرتكم,, انا ان شاء الله بسافر ماليزيا اخر يناير بداية فبراير إلى ماليزيا ,, فحبيت اتفيدوني هل هذا الوقت مناسب في للسفر إلى ماليزيا ؟؟ لاني قريت ان الجو مطر و رطوبة يعني حر بكون ,, فهل هذا صحيح؟؟ وهل في حد مجرب منكن السفر إلى ماليزيا في هالوقت؟؟ انتظر إفادتكم ,, دمتن بود^^ .
مرحبا شحالكم بنات بنات نحن نبي نسافر ماليزيا وريلي شارط على اذ تبين تسافرين اتبين تقرير عن ماليزيا من فنادق ومطاعم واماكن سياحيه مو عيازه فيني بس انا ماعرف وابي اسافر انا ابي منطقه وحده تشمل طبيعه واهم شيء الشوبنغ علما انه بنقعد اسبوع فقط ياليت اللى تعرف في ماليزيا ماتبخل علي وربي لدعي لها دعوه من احشاء قلبي هع واللى تعرف مكاتب للسفرات ياليت تفيدني واشكركم ^ـ^ . نجمة متلألئة : عندج هذا الموقع فير كل شي http://w.daleel-malaysia.com نجمة برونزية : الامارات للعطلات عندهم برامج حلوه ويساعدونج في الحجوزات ماعليج الا انج ازورين مكاتبهم المتوزعه وهم بيعطونج كل المعلومات نحن حاجزين عندهم لماليزيا والخميس سفرتنا نجمة براقة : مرحبا حبوبه ...
مرحبا حبيبتي انا من اسبوع رادة من ماليزيا وهذي ثاني مرة اسافر لها اصلا جوها ما يتغير يعني فجأة بتشوفي الجو غيم ومطر وعقبها بساعة يتغير ويستوي الجو صافي صراحة جزيرة بينانج حر الظهر بس بالليل جوها ولا اروع جنتنج خيال باردة وحلوة بس فنادقها مب شي هالمرة الخدمة سيئة . كوالمبور حلوة الصراحة للأسف انا هالمرة بس تميت 3 ايام بكوالمبور حسافة . وطبعا اول يومين رحت سلانجور وتميت 3 ليالي في صن وي لاجون وندمت ما يبالها الا يومين يعني ليلة وحدة تكفي . واي استفسار انا حاضرة .
المكان جوه استوائي طول السنه جيه والنهار حار و الليل الجو طر
دوم ظنتي حر ورطوبه
هلا ختية انا امس رادة من ماليزيا الجو عادي مغيم بس ماشي برودة وتي رشات مطر فجأة بس في جنتنج كان برد موت يعني لازم لبس ثجيل وجو ماليزيا مايتغير تقريبا وربية ايحفظج ان شالله