هلا بنات..فديتكن ابى نصيحتكم..
ان شاءالله قررنا السفر ثاني ايام العيد بعون الله وتوفيقة الى لندن للسياحه ..وبخذ معاي الاطفال ..ثلاث اطفال ربي يحفظهم اكبرهم بعمر 9 سنين واصغرهم سنتين...
شو تنصحوني اخذ معاي..وشو الاشياء الضروريه اللي احطها فبالي جبل عن اروح ...
ابى استشارتكم فالرحله ..بنتم هناك 8 ايام بس ...
.
لندن كل شي متوفر فيها للاطفال ما في داعي تشلين شي الا اذا هم يحبون أشيا معينة وما ياكلون غيرها عشان ما يتعبون في المشي اتاكدي انه أحذيتهم مريحة والوقت بيكون شهر 8 يعني حر .. خذيلهم صنادل بس احتياط شلي لكل واحد جوتي رياضة حق ايام المطر وجاكيتات خفيفة احتياط لعمر سنتين الافضل تشلين push chair من النوع الخفيف في الحمل وتكون مقابضة بارزه ويكون وياه سله تحته عشان يوم تتسوقين بسهولة تعلقين الاكياس في المقابض وتحطينهم في السلة حق الطيارة خذي لهم ألعاب بسيطة يتسلون بها ولا تطلعينها مرة وحدة ! كل ساعتين طلعي لهم لعبة واحرصي انه الالعاب ما تكون من النوع اللي يتناثر عشان ما تتعبج اكثر ! وموفقة ان شاء الله
عزيزتي انا نفس حالتج، ناوية اسير مع عيالي بس ما ادري ليش ما احس فيها اكتيفيتيس وايد لليهال، سارتلها بنتي السنة اللي طافت وعمرها 11 قالت كله انروح متاحف ومعالم اثرية.
لا اله الا انت سبحانك اني كنت من الظالمين
ما شاء الله عليج نصايح ذهبيه اللي بعمر التسع سنوات خليه يبدي يكتب يومياته الصغير شلي له اي باد وحطي له برامج preschool