مرحبا خواتي ابا مساعدتكم وللي تعرف وتفهم في هالمواضيع انا مقرره ان شاء الله السفر في شهر 5 مع زوجي وعيالي 2 عمارهم سنتين ونص وسنة ونص والخدامة الصراحه ابي اوديهم مكان في ملاهي فالانسب ديزني لاند بس خايفه من فرنسا نظرا للاوضاع الغير مطمئنة...المهم شو تنصحوني اروح ديزني لاند هونج كونج في شهر 5 هل الجو يسمح ؟؟؟ او اروح ديزني لاند فرنسا ومن ثم عططوني ارائكم لدول مجاورة.؟؟ واذا في اقتراح لدولة غير الي اناذكرتهم فيها ملاهي وترفيه لليهال في اوروبا خبروني بعد لاني متخربطة مبتغاي من السفر ارفه عيالي وانا ابدل جو وسوق وجي يعني .
مرحبا شحالكم بنات بنات نحن نبي نسافر ماليزيا وريلي شارط على اذ تبين تسافرين اتبين تقرير عن ماليزيا من فنادق ومطاعم واماكن سياحيه مو عيازه فيني بس انا ماعرف وابي اسافر انا ابي منطقه وحده تشمل طبيعه واهم شيء الشوبنغ علما انه بنقعد اسبوع فقط ياليت اللى تعرف في ماليزيا ماتبخل علي وربي لدعي لها دعوه من احشاء قلبي هع واللى تعرف مكاتب للسفرات ياليت تفيدني واشكركم ^ـ^ . نجمة متلألئة : عندج هذا الموقع فير كل شي http://w.daleel-malaysia.com نجمة برونزية : الامارات للعطلات عندهم برامج حلوه ويساعدونج في الحجوزات ماعليج الا انج ازورين مكاتبهم المتوزعه وهم بيعطونج كل المعلومات نحن حاجزين عندهم لماليزيا والخميس سفرتنا نجمة براقة : مرحبا حبوبه ...
ديزني لاند فلوريدا الاوضاع ماطمن بفرنسا وهونج قريب صارت قصه مع قريبتي هناك كرهتهم
الغالية اذا حابة تروحين أوروبا سيري ألمانيا وايد حلوة و شاملة السوق و الترفيه و تقدرين تتنقلين فكذا منطقة مثل ميونخ و زلامسي و تقدرين تطلعين على انترلاكن يمدحونها بس هالفترة حسيت وايد يمدحون اذريبيجان و المنطقة صراحة راقية عكس ما توقعت و رخيصة حتى سوقهم رخيص و الماركات هناك بنص السعر عدنا
والله انا بعد محتارةً اختي ريم القوافي انا فكرت مثلك المانيا وانترلاكن بس كيف المواصلات والاماكن ياريت احد يفيدنا والسموحة من صاحبة الموضوع
بالنسبة لفرنسا اذا انتي قصدكم تروحون ديزني بدون ماتمرون باريس الوضع عادي لانك دايركت بتنزلين ديزني