السلام عليكم ورحمه الله وبركاته ...
هلا خواتي ان شا ءالله اروح العمرة ادعوا لي الله يتمم لي على خير يااااارب بس حبت اسالكم شو الاغراض و الاشياء الي اخذها ما ابي انسى شي ...
وابي اكون متاكده اني ما راح احتاج لشي ممكن تساعدوني بنات مندى الغاليات .
مرحبا شحالكم بنات بنات نحن نبي نسافر ماليزيا وريلي شارط على اذ تبين تسافرين اتبين تقرير عن ماليزيا من فنادق ومطاعم واماكن سياحيه مو عيازه فيني بس انا ماعرف وابي اسافر انا ابي منطقه وحده تشمل طبيعه واهم شيء الشوبنغ علما انه بنقعد اسبوع فقط ياليت اللى تعرف في ماليزيا ماتبخل علي وربي لدعي لها دعوه من احشاء قلبي هع واللى تعرف مكاتب للسفرات ياليت تفيدني واشكركم ^ـ^ . نجمة متلألئة : عندج هذا الموقع فير كل شي http://w.daleel-malaysia.com نجمة برونزية : الامارات للعطلات عندهم برامج حلوه ويساعدونج في الحجوزات ماعليج الا انج ازورين مكاتبهم المتوزعه وهم بيعطونج كل المعلومات نحن حاجزين عندهم لماليزيا والخميس سفرتنا نجمة براقة : مرحبا حبوبه ...
حالياً الجو حلو في العمره ، يعني اذا تبين تاخذيلج سياده تصلين عليها ،، واهم شي خلي وياج شنطه تحطين فيها الله يعزج النعال لانه ما يستوي ادشين فيه الحرم لازم تعقينه ،، ومرات اذا تحطينه في مكان ينصرق ،، خلي وياج شنطه وفيه سياده وكيس حق النعال ،، ودلاغ تلبسينه يوم ادشين الحرم اذا بغيتي ،، نحن كنا نلبس دلاغ من الفندق عشان من نوصل الحرم بس نعق النعال وندخل ،، والله يتقبل منج ويرزقنا العمره
شنطة صغيره للنعال (عزج الله ) ملابس بعدد الأيام اللي بتيلسينها لانج ما بتتفيجين تغسلين ثيابج عباتين او 3 عبي شنطه صغيره للحرم تحطين فيها سجادتج و دبه ماي و سحه وشلي وياج جدر الكهرباء الصغير للضروره
لا تنسين المقص عشان تتحللين من الاحرام والدلاغ وايد مهم عشان وقت الطواف وحتى في الحرم الملابس احب اشل الاشيا الي ما اباهن عشن البس اتصدق ابهن ما ارد ابهن البلاد والعبي بعد اذا عباه ما اباها اللبسها هناك وعلى اخر الايام اوزع النعول لا تحطينهن برع لان وايد يسرقون النعول والله يتقبل منج اختي ودعواتج النا هناك
مشكورات خواتي معلومات جدا مفيده يزاكم الله الف خير