السلام عليكن خواتي
توني راده من ادنبره العاصمه الاسكوتلنديه الخياليه
 |
| سفرتي الحاليه الى ادنبره البريطانيه |
الناقل : طيران الاتحاد
الفندق : ميركيور ادنبره كواي وفيه له فرع اصغر فبرنس ستريت
ميزه الفندق : بجانبه مطعم هندي
ومطعمين تركي
وسوبر ماركت تفتح الى منتصف الليل اكثر من وحده
ومشي للبرنس ستريت عشر دقايق
وقريب منه كوفي كوستا وستار بوكس وسينما
اكيد كلكم تعرفون فيلم ملك الخواتم
تم تصويره في هالقلعه
 |
| سفرتي الحاليه الى ادنبره البريطانيه |
المدينه امنه وتعامل الشعب رائع وتعامل الفندق 100% وبتشوفون تعليقي فبوكينق باسم دانه
 |
| سفرتي الحاليه الى ادنبره البريطانيه |
 |
| سفرتي الحاليه الى ادنبره البريطانيه |
 |
| سفرتي الحاليه الى ادنبره البريطانيه |
احلى شارع عدهم البرنس ستريت والالعاب فيه والفعاليات والمحلات شارع صف كامل عصوب وصوب فيه الحديقه وووايد وايد حلوه سواء قعدات او قرايه او لعب لليهال وووايد ممتعه وللراحه عقب المحلات والسوق
متحف العلوم والارض
البلد جدا سياحي وامان 100%
هالصوره فشارع رويال مايل وهو شارع كله فعاليات بعد بس زحمه اكثر واحن رايحين فموسم كرنفال سنوي عدهم
ودخلنا مبنى اسمه كاميرااوبسيرا
وهو التلاعب بالنظر وكل المبنى ست طوابق تدخل من مرحله لمرحله استكشافي ووواييد حبوه اليهال
الصورة من فوق المبنى
.
حديقة الحيوانات شارع البرنس شارع رويال مايل فالمدينه القديمه زيارتنا لسفينه الملكه من داخل المول ocean terminal
روعه ما شا الله الجو المغيم خيااااااااال الصراحة أول مرة أشوف تقرير عن ادنبره كبلد سياحي شوقتيني أشوف باقي الصور أجرتوا سيارة والا استخدمتوا التكاسي ؟ نترياج
البلد خيالي وووايد حبيت جوهم واسلوب تعاملهم جدا راقي عكس ماسمعت وغامرت الكل قالي اسلوبهم جاف وحاد واكتشفنا العكس طيبين جدا وحبوبين ويضحكون للكل حتى اطفالهم يبتسمون للغرب مع ان محجبات توقعت مايحبونا استخدمنا التكاسي والسعر جدا رخيص ببلد بريطاني من الفندق لاغلب الاماكن 5 او 10 باوند يعني حدود 30 او 60 حسب المكان بس فالمنطقه نفسها الواحد مايحتاج تكاسي بكثره لان متوفر عدهم باص سياحي يودي اهم كل الاماكن الي زرناها وتركبين وتنزلين بنفس التذكره لمده 24 ساعه والسعر اقل للعوايل وغير جي بنتي تحت الخمس سنوات مجانا ويوقف فكل محطات المدينه المهمه والاماكن السياحيه كلها ومتى شبعتي ركبتي لي بعده وفاي وقت لين تنتهي التذكره واسعارهم زينه ومناسبه البلد جدا ملتزمه بالعداد ومايرمسون ويسولفون ويتخبرون عن العلوم كل حد فحاله تركب وتنزل وهو ساكت اللهم تشوف فوق العداد ماشي ابد استغلال ونصب من تكاسيهم وحبيت مصداقيتهم في هالشي عكس اللي اشوفه فتركيا التلاعب بالعداد او ان يلفبج لفه لين يدوخ راسج ويطلع العداد وايد والبلد بعد فيها ترام من المطار لنص البلد بس ماحتجناه لتوفر المواصلات واريح لنا مع اطفال ويوصل لمنتصف المدينه بالضبط في اهم شي شارع لي هو برنس ستريت
ما توقعت سكوتلنده شرحه جذيه ما اعرف ليش ماخذه عنها فكرة انهم بعدهم مال أول ههههههههه يمكن عشان محد وايد يسير لها ! عيبتني الصور وخاصة استمتاع اليهال واضح كملي الغالية ويا ريت لو تحطين معلومات زيادة ويا الصر عشان نستفيد وما عليج من قلة الردود لأنه البنات الحين مسافرات وأكيد بيردون على الموضوع بعدين شوفي المشاهدات لين الحين 78 مشاهدة ما شا الله بانتظار باجي التقرير الممتع