عزيزاتي حبيت أحط لكم تجربتي عن إستخراج الفيزا للخدامة بصراحة قررت أروح ألمانيا هالصيف أزور أخوية اللى يدرس هناك لانه مشتاق لاعيالي ،، المشكلة أن زوجي ما قدر يسافر وياي ..
وقالي سافري وخذى معاج الخدامة ..
وقعدت أدور عن تجارب البنات للاسف مالقيت شى يفيدني ..
المهم لإستخراج الفيزا للخدامة هاي الأوراق المطلوبة : صورتين شخصيات حديثة صورة الجواز ساري المفعول لمدة 90 يوم من تاريخ العودة من السفر ( يعني بترجعين تاريخ 5 /7 لازم لين عقب هالتاريخ يكون عندج 90 يوم لو يوم واحد ناقص ما ياخذون الجواز ) صورة الإقامة سارية المفعول لمدة 90 يوم من تاريخ العودة نفس الشى ( أنا حسبولي وطلعت اقامة خدماتي باقي عليها شهرين و19 يوم ومارضوا يسون لي إقامة فجددت لها الإقامة مرة ثانية - وهالشى وايد أخر سفري ) تأمين صحي دولي ( تاخذينة من أي شركة تامين - أنا سويته من الخزنة للتامين ) حضور الكفيل ( الزوج ) وطباعة ورقة لامانع اني اخذ الخدامة معاي للسفر ( طبعا لان الزوج مب مسافر معاي ) وهالورقة طبعتها لعيالي طبعا.
تذكرة سفر ( وهمية أو حقيقية ) ورقة حجز فندق ( وهمية أو حقيقية ) طلعت لي الفيزا بعد 3 ايام عمل مع اني مقدمة في وقت الذروة في نص الصيف وعلى الزحمة واستغربت لان الكل كان يقول لي راح تاخذ أسبوعين أو اكثر ..
بس طلعت الفيزا بحسب التاريخ الموجود في التذكرة الوهمية لمدة عشرة أيام فقط وعلى حسب تاريخ المغادرة 20 /6 مما خلاني أأجل السفر لين هالتاريخ ومدة الفيزا بالضبط نفس المدة الموجودة في التذكرة وانا كنت حاطة 10 ايام بين الذهاب والعودة ( أنصحكم تحطون الحجز فترة اطول احتياط لو بغيتوا تمون زيادة ) طبعا خذوا البصمة في السفارة وأول ما وصلنا مطار ميونخ رجعوا خذوا البصمة مرة ثانية ...
والحمدلله رحنا ورجعنا بالسلامة والخدامة ما شردت ههههههه ( كل يوم حد يتصل يقولي خدامتج بتشرد وانا أقولهم خلوها تشرد ماعندي مانع على الاقل تشرد في مكان بارد ولا تشرد في الحر ) وان شاء الله تستفيدون من تجربتي المختصرة ...
وعقب بحط الصور في تقرير ثاني ....
واللى عندها سؤال او استفسار انا حاضرة ...
.
كنت بقولج تحملي الشغالة تشرد و لقيتج بروحج كاتبه خ سفرة موفقة أن شاء الله
ه. انا سفرت شغالتي وياي وريلي وعيالي والوالدة وربيت بعد هناك والحمدالله ما شردت. والحين رجعنا بسافر بلادها شهر وبترجع. وبنرجع مره ثانيه الحين المانيا وبشلها هي وشغالتي الثانيه. مب كل الشغالات واحد وحسب المعامله تسلمين حبوبه
انا في المانيا من شهر5 لين الحين و معاي ريلي و عيالي و خدامتي قبل ما اسافر الكل يقولي خدامتج بتشرد قلت الي الله كاتبنه بصير و الحمدالله لين الحين معاي واايد نافعتني