السلام عليكم و رحمة الله و بركاته قررنا انا و ريلي نسافر و رحلتنا بتكون لاول مرة اوربية من تاريخ 15/5 الى 31 /5 خط سير الرحلة بيكون تقريبا دائري الوصول لميونخ و استلام السيارة و التوجه الى ولف قانق و السكن في فندق cortisen am see ليلتين /3 ايام و التوجه بعد ذلك الى زيلامسي و السكن في فندق Der sonnberg 4 ليال / 5 ايام التوجه الى انترلاكن و السكن في فندق Hotel swiss in & apartment 4 ليال/ 5ايام بعد ذلك التوجه الى بادن بادن و السكن في منتجع Aqua aurelia suite 3 ليال/ 4 ايام و منها من بنمر على اليوربا بارك و باقي الايام في ميونخ بس لين اللحين ما حجزنا السكن فميونخ حمدالله التذاكر انحجزت و السيارة بعد ابا رايكم فالفنادق حتى لو اني ما اقدر اغيرها بس اذا تقدرون تعطوني فكرة عنهم سواء تطمنوني انه اختياري موفق او تنبهوني.
بعد ما اخذ رايكم فالفنادق اباكم تساعدوني فالجدول اليومي للاماكن يعني شو الاماكن اللي ازورها مثلا في ولف قانق لانه اغلب التقارير عن انترلاكن و زيلامسي الغر الحشيم ما قد لجئت لج و خيبتي ظني ماشاءالله عليج .
رحله سعيده
تسلمين اختي الله يسعد ايامج
ربي ايوفقج..
مخططج حلو وترتيبج حلو بس المسافه بين زيلامسي و انترلاكن 6 ساعات ونص اذا عندج يهال بيكون هالشي متعب وبخصوص الفنادق فندق بادن بادن حلو ومكانه حلو فندق زيلامسي صح مش قريب من السنتر بس اطلالته حلو ومكانه هادي و الفندق وايد حلو ولف قانق ما عندي فكرة عنها بس انا انصحج لميونيخ ميركيور ستي سنتر Mercure München City Center