السلام عليكم حبوباتي بنات ريلي قرر وفجاه قالي بنسافر اجازة الربيع اللي هي اجازة المدارس من 29 مارس لين 9 ابريل ويصادف هالوقت ذكرى زواجنا ف قررت يعني رحلة سريعة وانا مكلفة بالأختيار وأحس مافي وقت احب ازهب من قبل بفترة وماعرف الصراحة وين نروح ووين بيكون الجو حلو فهالوقت جد محتارة بإذن الله بنسافر بطيران الاتحاد لأول مره لان قريب بيت امي هيه اقترحت ما أودي اليهال معاي بخليهم عندها شو اقتراحاتكم شوروا علي عطوني خيارات ابا نصيحتكم ابا أحجز ف اقرب فرصه ..
فكرت ف المالديف وسيشل بس كان فل الهدف من الرحلة الترفية والاستجمام 😍 .
لا تقولين فل نحن معزمين ع سيشل .. ازين عندي جزيره ابا حد يجربها ههههههه .. 7 ساعات اظن لين البرتغال وعقب لها ساعتين بطياره .. جرز الازور والله لو تكفيج المده لجنوب افريقيا لا تفوتيين بس 10 ساعات الطيران
ماليزيا
ههههه لا يا معوده 10 ساعات روحه و 10 ساعات رده وانا أقولج رحلة سريعة أتم فالبيت أحسن ههه أنا ما بجرب شي أبا حد مجرب ويفكني من صداعة الرأس لووول ع طاري سيشل والله هاللي شفته ف النت بس قلت بعد برد أجيك لو عزمت لان حاليا محتاره
ماليزيا دائماً وأبدا يقولون لي عنها تنفع بس ما قد عمري رحتها بحط ف بالي