 |
| مسآعدتـي فـي التجهيـز لشهر العسـل ... |
ميونخ ) يعني 3 مناطق بشو تنصحوني بما انه عرسي بيكون شهر 4 كيف بيكون جوهم وشو البس هناك ( عباه ولا بدل ) < انا شوي دبدوبه من وين اخذلي بدل وجاكيتات اباا محلات كشخه واسعارهم معقوله < لاني فلست خخخ وشو اخذ ويايه يعني بالمختصر خبروني كل شي وحتى الي عندها طريقه لف الحجاب تساعدني والي عندهاا خبره فهلمناطق تفيدني لاني صراحهـ وايد متخوفهـ وانا من نوع الي يوسوس وايد خبروني عن الامان في هالدول ومشكورااات .
هلا اختي مبروك مقدما بالنسبة لشنطة السفر خذيلج عبي وشيل ملونة وخذيلج بدلات وبجامات وقمصان نوم وجوتي يكون مريح وكم من نعال بس لو بدون كعب اريح لج وذهب لاتاخذي وياج غير خواتم وخذيلج شغابات وسوع وادوات نظافة وموس احتياط وكيرفري مهم و اولويز احتياط وعلوج وكثري ملابس داخليه لان هناك يمكن ما تغسلين وشيلة صلاة ومصحف وبندول وشراجة التلفون ومكياجج وكمن شباصة وسشوار وعطور ولوشنات ودهن عود ومسك هذي حقج ف الغرفة وعند وقت الرقاد ويمكن تحطي حق ريلج منها ولو تكون شنطتج مسكرة وجاهوة يكون افضل وبخصوص اللبس بره لبسيلج عباة افضل وخذيلج 3 او 4 والشيل خذيلج ملونات وخذيلج جاكيتين خفاف لان مابيكون وايد برد يس مادري شو يوديج فينا وميونخ مول مب حلوات مب مال معاريس اما زيلامسي طر بتعيبج وايد وفيها امان وبتحسين بوناسة وما ودج تسيرين منها بس ميونخ بتحصلي وايد عيايز يايات يتعالجن يحليلهن وفينا نفس بوظبي مال عمل ووظايف يعني لو تقدرون تغيرون وجهتكم بيكون افضل ولاتنسي المقولة ياغريب كون اديب ه ولاتزعلي هالايام تراها نادر ما تتعوض بس هذا الي عندي وان شاءالله ربنا يجمعكم على خير ويسعدكم
والله اللي فوفي ما قصرت وحبيبتي لا تنسين الكاميرا احلى صور وذكريات صور شهر العسل والله يسعدج غاليتي ومبروك علييج^^
يسعدلي يومج يا عروس الاخت ذكرت الاشيا الي تحطينها كلها واذا بغيتي محل عندج محل ريفا في لبسات وسيعه وطويله وحتى جاكيتات الامن هناك الحمدلله بس في نفس الوقت خذي احتياطج مثلا الفلوس لا تشلونها كلها وياكم او تحطونها في ككاو واحد لا سمح حد يحط الفلوس كلها والبطايق في البوك واذا انصرق يتبهدلون فانتوا بس خذوا احتياطكم لكن الوضع عادي وبتحبون زلامسي وايد ووممكن تسيرون سويسرا او باريس مثلا بدل فيينا لو بغيتي
مبروك و يالتوفيج ياربي.. ربي يسعدكم بالنسبه للبس عندج ريفا و فور ايفر و زارا و مانغو و خذيلج نعول فلات عزج الله و جوتي و خذي كعب يمكن ظهرتوا تتعشون ف مكان راقي لوول يعني حق طلعه خفيفه. و خذيلج هاند باق او كروس بدي. و ربي يوفقكم