مررررحباااااااا سيداااات الامارات ...
ما شاء الله السيدات ما قصرن من قبل في طرح مثل هذا التجمع للسنه اللي طافت ...
بس للسنه الجديده ٢٠١١ ما لقيت تجمع جديد ..
قلت أباشر واطرح الموضوع بما إني راح أسافر لمدينة الظباب الاسبوع الياي بإذن الله ..
وطبعا قلت أفتح تجمع جديد نتبادل فيه كل جديد ومفيد من تجاربكم عن السفر .
بما انها راح تكون أول زياره لي للندن ياليت تفيدوني بالأشياء الضروريه اللي لازم أشلها معاي ...
للعلم إني راح أسافر مع زوجي يدرس هناك وولدي عمره ٩ شهور ..
ومدة الاقامه تقريبا ٤ شهور في منطقة أيزلنجتون ..
اتمنى من الخوات العزيزات البدء بوضع المعلومات وتبادلها عن مناطق لندن واسواقها بالتجمع اليديد.
واللي تحب ترجع حق بعض المعلومات السابقه عن الاسواق والمحلات ترجع للتجمعات القديمه 2010 ودمتم سالمين .
موفقه غاليتي والله مب ياي في بالي الاماكن الحين .. لاني بصراحه مسطله خ
حياج معانا ايمي . ويوفقج ويوفق الجميع إن شاء الله . بالنسبه للأماكن انا مش محتاره . بس ياليت تفيدوني بأهم الاشياء اللي ما تخطر ع البال علشان اشلها معاي .. وكيف اقدر اقضي الوقت بما انه الفترة طويله شوي لانه بصراحه اخااف امل وهو أكيد بمل خ وان شاء الله نشوفج معانا مره ثانيه وانتي مصحصه ^ـ^
فديت معشوقتي لندن الغاليه لندن كل شي فيها .. اهم شي شلي اثيابج و ثياب حق البيبي و اتوكلي خ .. و كثري من اللبس الثجيل خصه حق البيبي ^^ عني انا يوم اسير ماشل وياي شي غير الثياب و الاشيا الاساسيه .. لان كل اللي اباه احصله هناك و نحن مانحب نثقل ع أعمارنا :P هم .. اذا ولدج يشرب حليب صناعي يفضل يوم تسيرين هناك تغيرين له الحليب >< لان صعبه تشلين وياج حليب حق ٤ شهور >< انا يوم سرت هناك غيرت حليب بنتي و استخدمت لها sma وايد اوكي ^^ و اذا اذكرت شي برد لج
مرحبـا اختي الله ييسر امورج و يوفقج .. كثري من اللبس الثجيل لج و لولدج لانه تعرفين جوهم وايد بارد و حتى متجمد .. ! و هالاربع شهور اللي بتمين فيهن هناك كلها بارده .. و لا تنسين الزليغات ( الجوارب ) و كابات الصوف اللي يغطن الاذن .. و اذا حصلتي قمصان هاي نك بعد بيكون وايد زين .. و شالات تنلف عالرقبه .. و اتحذري يوم تطلعين مكان على ولدج و على اغراضج .. و الله يوصلكم بالسلامة