السلام عليكم ورحمة الله وبركاته صباااااح / مساااااء ...
{ الخير } اشحالكم؟؟ ..
واخباركم ؟؟ منو منكم سارت العمرة من جريب عن طريق الجو ( مكة ) ؟؟ بغيت استفسر كم ساعة من الامارات ( دبي ) الى السعودية ( جدة)؟؟ وكم ساعة من جدة الى مكة؟؟ وبخصوص الموصلات كيف كانت ؟؟ وبعد كم ياخذون ؟؟ الحين بقول لكم شو السالفة : ان شاء الله بسير العمرة وسايرة من قبل بس ما اذكر كم ساعة ياخذ من اهنه الين اهناك ؟؟ ومن غير ما اعرف كم ياخذون التكسي ؟؟ وان شاء الله اتساعدوني وشكرا .
وعليكم السلام ورحمة الله وبركاته بغيت استفسر كم ساعة من الامارات ( دبي ) الى السعودية ( جدة)؟؟ من ابوظبي لين جده تقريبا 2.30 . وكم ساعة من جدة الى مكة؟؟ تقريبا 1.30. وبخصوص الموصلات كيف كانت ؟؟ نحن كنا حاجزين عن طريج المكتب وبنسبالي افضل وامن . والسموحه ع القصور
حجزي سياره عن طريق مكتب واذا مالقيتي في خدمة ليموزين هن تكاسي تكفي حق 4 اشخاص ب250 يوديج لين مكه
من دبي الين السعودية الغالية ساعتين مب أكثر ان شاء الله ومن جدة الين مكة والله مب متأكده كم بس يمكن مثل ما قالت الاخت ساعة ونص والتوصل الغالية انت يوم تخلصين من اجراءات الدخول في المطار من تطلعين من باب المطار الدريولية يا كثرهم يتريون ( التكاسي ) اتقاصي وياه من قبل رحلة موفقة ان شاء الله ولا تنسينا من الدعاء
بغيت استفسر كم ساعة من الامارات ( دبي ) الى السعودية ( جدة)؟؟ تقريبا ساعتين بغيت تقريبا وكم ساعة من جدة الى مكة؟؟ ساعه ونص وبخصوص الموصلات كيف كانت ؟؟ ع حسب السياره إذي تاكسي يأخذ اكثر وإذا باص مواصلات اقل والله اعلم دعواتج لي ربي يكمل حملي