مرحبا خواتي بإذن الله في شهر رجب سايرة العمرة لاول مرة في حياتي وماعرف شي طبعا عن مناسك العمرة قريت فالنت وايد بس احس اني لخبطت فياريت اللي اعتمرن قبل يفيدوني كيف اعتمر بالتفصيل؟ يعني من قبل لاركب الطيارة الين طواف الوداع؟ وبعد ابي اعرف كيف ارتب شنطتي يعني شو لازم أخذ معاي ؟؟ انشاالله بنقعد 3 ايام و عادي اخذ شنطة صغيرة فالحرم؟ وشو احط فيها؟ وبالنسبة للحجز شو احسن مكتب في العين واسعاره حلوة؟ والفندق يمدحون ابراج زمزم بس انا اجوف برج ساعة مكة احلي ؟؟ولا انتو شورايكم؟ ابي فندق داخل الحرم لاني حامل فالثالث وابي الحق عصلوات الجماعة ادري سألت وايد لاتلوموني اول مرة ومو ضروري تجاوبون عكل الأسئلة اللي تعرف اي معلومة بسيطة تقولي لانها بتفيدني وايد واللي ماتعرف ترفعلي الموضوع وربي يوفقها .
مرحبا شحالكم بنات بنات نحن نبي نسافر ماليزيا وريلي شارط على اذ تبين تسافرين اتبين تقرير عن ماليزيا من فنادق ومطاعم واماكن سياحيه مو عيازه فيني بس انا ماعرف وابي اسافر انا ابي منطقه وحده تشمل طبيعه واهم شيء الشوبنغ علما انه بنقعد اسبوع فقط ياليت اللى تعرف في ماليزيا ماتبخل علي وربي لدعي لها دعوه من احشاء قلبي هع واللى تعرف مكاتب للسفرات ياليت تفيدني واشكركم ^ـ^ . نجمة متلألئة : عندج هذا الموقع فير كل شي http://w.daleel-malaysia.com نجمة برونزية : الامارات للعطلات عندهم برامج حلوه ويساعدونج في الحجوزات ماعليج الا انج ازورين مكاتبهم المتوزعه وهم بيعطونج كل المعلومات نحن حاجزين عندهم لماليزيا والخميس سفرتنا نجمة براقة : مرحبا حبوبه ...
عمره مقبوله حبيبتي ربي يحفظج ان شاء البنات يفيدونج ^^
عمرة مقبولة مقدما ان شاء الله وان شاء الله البنات يفيدونج
بتحصلين ان شاء الله كتيبات في المكتبة تشرح بالصور مناسك العمرة .. وعمرة مقبولة ان شاء الله
اول شي ربي يوصلكم بالسلامه وعمره مقبوله بإذن الله شووفي حبيبتي فندق ابراج زمزم يمكن تتعبين منه لانه تنزلين فمصعد وتردين تدخلين مصعد ثاني بس حلو في مع ابراج زمزم فندق الصفا على ما ظن يمدحونه عندج بعد دار التوحيد وأبراج مكه هالفنادق كلها قريبه من الحرم المهم شلي لج كنادير ساده ساتره مافيها فصوص وماشابه خفاف يعني ٤ يكفنج والاحرام البسي اي شي من كناديرج وتكون ساده بعد احسن وعباه مسكره عشان ترتاحين وقت العمره ماتحطين شي على ويهج مثل نقاب اوو غشوه يعني لازم ماشي يلامس الخشم واذا تسألين اهل الخبره احسن واضمن الشنطه لي تبين تشلينها الحرم لازم ماتحطين فيها تلفونج لانهم يشلونه حطي سيادتج ومسباحج والقرآن لي بتقرين منه واذا التلفون للحاجه حطيه فمخباج واهم شي نعال مريح وما يكون غالي يوم بتروحين الحرم وبتدخلين حطي نعالج ونعول لي معاج في كيس او مكان تعرفوونه او في صناديق الأمانات برع وانشالله أني افدتج ب شي بسيط