احسن الفنادق والاماكن السياحية في الكويت

هلا خواتي حبيت استفسر عن احسن فندق في الكويت للسكن ويكون في نص الكويت والاماكن السياحية اللي لازم نروحلها والمولات فياليت اللي تعرف تفيدني وشكرا .

نجمة برونزية :

هلالالالالالالالالالالالالا وغلالالالالالالالالالالالا انا امووووووووووت بالكويت ودوم اروح لها لو تبين روحي بفندق سبايس بوتيك بالسالمية او اجنحة بودل بالسالمية او ابسيس بالسالمية او اجنحة بوليفارد بالسالمية. بالنسبة للاماكن رووووووووووحي المباركية عبارة عن سوق شعبي وعندج بعد الافنيوز وعندج مركز سلطان بالسالمية وبسوق شرق تحصلين اشياء غريبة وعجيبة ورخيصة وعندج بعد ستي سنتر السالمية وعندج بعد فاشن مل بالسالمية وروحي سوق شرق على البحر ومارينا الي على البحر فيه مطاعم وقعدات حلوة وخذي لج لفة بحرية وروحي الاكواريوم وروحي وين صوب مطاعم السلطان الي على البحر تقدرين تاخذين رحلة بحرية وعندج بعد حديقة الحيوانات بالمعمورة وعندج متحف بيت العثمان يهبل ومتحف شهداء القرين وفيه وايد اماكن سوي بالجوجل بحث يطلع لج. سلالالالالالالالالالالالام

مشرفة قسم الصحة و التغذية :

سرت حياة ريجنسي طرر وتعاملهم راقي سوق شرق أحبه بصراحة وسوق المباركية بعد روعة للهدايا وملابس البيت الأفيون لو تبين ماركات مممم عندج سيتي سنتر السالمية في سنتر بعد للعبي والجلابيات فيه مجمع العربيد جديم صح بس حصلنا أشياء حلوة و اهم شيء لا تنسين تسيرين فريج صويلح من أهم معالم الكويت

نجمة برونزية :

هلالالالالالالالالا وغلالالالالالالالالالا شاخباري على فريج صويلح تعرفين طاح سوقه ما اجامل الحين فيه دار حمد على شارع الخليج العربي مبنى ضخم بس يجنن رحت له مرة وحدة لان زحمة بس لازم تاخذين موعد قبلها بيوم لان المطعم هذا صج اكله واو واشكثر الزحمة عليه لو عندج انستغرام هو مال وحدة شيف كويتية اسمها صديقة بس صج الاكل سلالالالالالالالالالالالالالالام

نجمة برونزية :

هلا هلا حياج بالكويت ما راح اقدر افيدج عن الفنادق لاني ما اعرف. عندج جميرا هذا وايد يمدحونه اما عاد المطاعم وايد بالكويت, ماكو اكثر منهم اول شي المجمعات عندج الافنيوز, مجمع 360, سوق شرق. و فيه مجمعين وايد قديمين اسمهم مجمع المقره الشمالي و الجنوبي فيهم اشياء حلوه و الله و اسعارها ارخص من باجي المجمعات. المباركيه حلو لانه تراثي بس ما ادري عن الجو يسمح و يساعد تتمشين ولا لا. كنت بالكويت قبل شهر بصراحه خست من الحر لما رحنا المباركيه خلصنا بسرعه و ردينا البيت. اذا تبين حلويات كويتيه بالمباركيه عندج حلويات الوطن او الشمالي هذول احلى اثنين بصراحه. المطاعم وايد ما اتذكر اساميهم بصراحه لاني عايشه بالامارات من 14 سنه الحين و ما اروح الكويت الا زيارات حالي من حالكم. و خواتي اهم اللي يطلعوني ويودوني صرت ما ادل اذا معاج يهال تقدرين تروحين مجمع ديسكفري بشرق سمعت انه حلو مرت اخوي تمدحه لكن ما وديت عيالي بصراحه لاهيه بتجمعات الاهل و طنشت الطلعات موليه. فيه منطقة البدع عالبحر مكان كله مطاعم و كافيهات بعد حلو اختي مدحت لي ارابيلا. هذا اللي اذكره و اي شي حاضره و بالخدمه و هناك ان بغيتي شي دزيلي عالخاص و ان شاءالله اهلي ما يقصرون بيساعدونج