دلوني ع الاسوااق في تايلـند؟

السلام عليكم ...

اشحاااااالكم؟؟؟ بغيت استفسر عن اماكن اسواق النعل والشنط والثياب وغيرها وغيرها وغيرها اللي ببانكوك وبتايا وبوكيت و شنغماي؟؟؟؟؟؟؟؟ .

تاجرة برونزية :

سبحان الله عدد ماكان و عدد مايكون و عدد الحركات و السكون

تاجرة برونزية :

[IMG]http://w.*.org/images/gzddy9lja582f3t733cr.gif[/IMG]

نجمة برونزية :

الغالية ادخلي قوقل وسوي سيرج بتحصلين كل اللي تبينه

نجمة مضيئة :

سوق الباتونام(سوق رخيص ومتنوع) - مركز ام بي كي أو طوكيو سنتر (سوق رخيص ومتنوع) - سوق الاحد جاتوجاك (سوق رخيص ومتنوع) للمعلومة يفتح طول ايام الاسبوع ولكن يوم الاحد تكتمل بقية المحلات ويفضل الذهاب له يوم " الاحد " وتحملوا من البضاعة المستعمله عندهم خصوصا الملابس الجلديه - شاينا تاون (سوق رخيص ومتنوع) - مركز بوبي سنتر(سوق رخيص ومتنوع) - سوق براخانونغ (سوق رخيص ومتنوع) - ذا مول راكمبهينهانغ (سوق رخيص ومتنوعه) للمعلومة بعيد عن منطقة العرب - مركز روبينسون ( اسعاره عاديه بس كواليتي يعني الاغراض عندهم احسن عن الي ذكرته فوق واسعاره حلوه) قريب وايد من منطقة العرب تقدرين تروحين له اي وقت بس يسكر الساعه 9 وعداله ماكدونالدز بس يتم مفتوح لحد الساعه 11:30 أو 12:00 - مركز امبيريوم(مركز الماركات وفيه ديبارتمنت ستور عندهم داخل نفس الاغراض الي موجوده في روبينسون بس اغراض هالمركز اتكون اكثر بوايد) - سنترال شيدلوم (ديبارتمنت ستور و في ماركات بعد و اذا عندج يهال و اي حد بالمدرسة انصحج تروحين المكتبة الي فوق عندهم اشياء واو خبال ) - سنترال وورلد(مركز ضخم وهو من الاهم الاسواق في بانكوك وغالي بعض الشي) وهو الحين تحت الإنشاء -سيام براجون(مركز حلو وراقي واسعاره حق الي حاط في باله ياي حق التسوق خ افهموا ) - سيام سنتر(عدال سيام براجون بالضبط مايبالج حتى دقيقة لين ماتمشين خ بس اسعاره حلوه وعاديه) - مركز آمارين (ام مادري ماعيبني شي عندهم بس يمكن في ناس يحبونه واسعاره عاديه) - سنترال لاد براو (مركز حلو وكنت اتشرا من عندهم اشياء حلوه بس ترا بعيد عن منطقة العرب) - سنترال راتشدا (حلوو واسعاه بعد حلوه بعيد عن منطقة العرب) - فيوتشر بارك (ام اسعاره وايد اوكيه بس بعيد عن منطقة العرب يعني باختصار على الهاي وي) - نايت بزار المعروف بالسوق الليلي (يفتح من الساعه 5 العصر الى الساعة 12 منتص الليل وبعض المحلات تسكر من وقت يعني على الساعه 10 او11 تسكر واسعاره بتعيبكم وايد واغراضهم حلووه بس كل ماخذتي شي من عندهم حاولي تكاسرينهم قد ماتقدرين وخليج ذكيــة في المكاسر ترا مايون الا بالعين الحمرا ه لالا امزح بس كاسروهم قد ماتقدرون و اذا عيبج شي من السنابل خليهم يظهرولج اليديد وبس ..) والسوق الليلي متى مامليتوا الفليل فاضين سيروا له وطمشوا ه عجيب والله للأمانة منقول