بسافر المانيا علاج و ابا نصايحكم

السلام عليكم بنات بسافر قريب المانيا ان شاء الله علاج حق ولدي و اول مرة اسير ،ابا نصايح لي راحن من قبل و شو الاخطاء الي ممكن اتفاداها ،و بخصوص السكن احجز من هني احسن و لا يوم اروح هناك.

بنات ابا فزعتن و دعواتكم لابني بالشفاء العاجل.مشكورات .

تاجرة برونزية :

الله يشفي ولدج ان شا الله ! طبعا الأفضل تحجزين من هنيه ، افرضي وصلتي وما لقيتي فندق تبين فندق والا شقة مفروشة ؟ و أي مدينة بتسيرين عشان البنات يساعدونج بالمعلومات ؟

نجمة برونزية :

السلام عليكم.. اختي انتي رايحة على حسابكم الشخصي والا على حساب الدولة؟ اذا على حسابكم احجزي من هنيه بس مكان ايكون جريب من المستشفى و ايكون قريب من المحلات والدكاكين و يفضل لو بتطولون هناك شقه فندقية او اذا مش متاكدين اختاروا شقة فندقيه اسبوعيه ..يعني تدفعونلهم بالاسبوع. اتذكر لما تتشرين تطلبين بطاقة تاكس فري علشان ايردونلج فلوسج بالمطار لانج كضيفة مش ملزومة تدفعين ضرايب لالمانيا. البلاد كلها مشي..عادي التكسي ايقولج روحي امشي للمكان بدال مايركبج وياه الا المكان قريب. و حاولوا اتسون الي سويناه خذينا معلومات ورقم سايق تاكسي كان تحت خدمتنا ايودينا واييبنا. البلاد حلوة و الناس طيبة و عادي عندهم الحجاب و متعودين هم و اذا بغيتي اي معلومات ثانية تعالي للخاص.

عضـــ متميــزة ـــوة :

فعلا حددي لنا المدينة وتفاصيل ثانية واحنا حاضرين بس مؤقتا لين تردين لقيت لج موضوع وايد مفيد للاخت (الأمل هنا) اسمه يوميات مرافق مريض في كولن koln - ألمانيا http://forum.uaewomen.net/showthread...1133036&page=8 الرابط اللي حطيته وهو الصفحة الأخيرة من اليوميات ملخصة كل المعلومات اللي تفيدج

مشرفة ملتقى الحوار :

ربي يشفي ولدك شفاء لايغادر سقما حبيبتي إذا المشفى بهامبورغ ممكن أساعدك قريبي هناك