السلام عليكم ..
لا إله إلا الله ..
خــــــــــــوااتي يزاكم الله خير ..
نـــــــــاوين انسير العمره جريب بعون الله تعالـــــــــى ..
نبغي نسير بس مكـــــهـ ..
 |
| لكم دعــــــــوه مني بإذنهـ تعالى من الحرم .. |
لو تخبروني عن الفنـــادق ..
وهل بحصل توصيل من المطـــار لمنطقة الفنادق الجريبهـ من الحرم ..
بإذنهـ تعالى ما بنســـــــــــاكم من الدعــــــــــاء ..
علمـــــــــا أنا سابقا كنت أسير ويا أهليهـ المدينه ثم مكـــهـ بس هالمره بروحنـــا أنا وريلي والميسر الله ..
فمــــــــــــــان الله ..
.
للرفع و عمرة مقبوله يا رب انا كمان حابه اعرف المعلومه والتكاليف لاني ناويه اودي امي و ابوي ان شالله
السلام عليكم .. لا إله إلا الله .. الله يتقبل منـا جميعـا والله يغفر إلنـا ذنوبنـا .. بإذنهــ تعالى الخواات بيفيدنـا .. والله يجعلج من البـارين بوالــدينج ^_^
شوفي الغاليه ادخلي موقع BOOKING.COM ودخلي طلبج وبتشوفين الفنادق المتوفره والعروض اللي عندهم وترى على حسب ميزانيتج لانه في فنادق برج الساعه رافلز مكه وفيرمونت وهاذيل يداد واسعارهم اشوي غاليه مقارنه بالفنادق الثانيه بس نظيفه وراقيه جدا جدا وبعد عندج فندق زمزم وموفنبيك ورتاج البيت وعندج رويال دار الايمان اسعاره حلوه ويقولون انها نظيفه بس انا ماجد سكنت فيها وبعد عندج دار التوحيد وبعد الهيلتون في غرف تابعه للفندق وشقق سكنيه وبخصوص الطيران اتصلي الطيران السعودي وبعد عندج طيران ناس واحجزي دايركت الين مطار جده ويوم بتظهرين من المطار بتحصلين الدريوليه واقفين ويوصلون الين مكه بــ 300 ريال او اقل نحن ناخذ جمس سوبر بان بــ 300 درهم وماعندي فكره عن السيارات الصغيره والطريق من جده الين مكه تقريبا من ساعه الى ساعه ونص واذا حابه حد ينتظرج في المطار فالج طيب ولاي استفسار ثاني اتواصلي وياي على الخاص وعمره مقبوله مقدما وعلى فكره شوفي حملة ابناء السويدي يقولون مسوين عروض التذكره مع السكن في فندق خمس نجوم بــ 1900 درهم
السلام عليكم .. لا إله إلا الله .. يزاج الله خير ورحم الله أمواتج ,, بإذنهـ تعالى بدش الموقع وبتصل في حملة السويـدي .. 1900 ما تغلاا ع هالمكـان فديتج .. أأثـابكـِ البـاري ..