بناااااااااااااااااااااااااااااات خاطري اقضي شهر العسل فتركيا فاللي سارت او عندها فكرة ممكن تفيدنا عرسي ان شاء الله بيكون فشهر 4 فاللي عندها جدول للرحلة بكون شاكرة .
مرحبا شحالكم بنات بنات نحن نبي نسافر ماليزيا وريلي شارط على اذ تبين تسافرين اتبين تقرير عن ماليزيا من فنادق ومطاعم واماكن سياحيه مو عيازه فيني بس انا ماعرف وابي اسافر انا ابي منطقه وحده تشمل طبيعه واهم شيء الشوبنغ علما انه بنقعد اسبوع فقط ياليت اللى تعرف في ماليزيا ماتبخل علي وربي لدعي لها دعوه من احشاء قلبي هع واللى تعرف مكاتب للسفرات ياليت تفيدني واشكركم ^ـ^ . نجمة متلألئة : عندج هذا الموقع فير كل شي http://w.daleel-malaysia.com نجمة برونزية : الامارات للعطلات عندهم برامج حلوه ويساعدونج في الحجوزات ماعليج الا انج ازورين مكاتبهم المتوزعه وهم بيعطونج كل المعلومات نحن حاجزين عندهم لماليزيا والخميس سفرتنا نجمة براقة : مرحبا حبوبه ...
إن شاء الله الاخوات ما بيقصرن معاج وبيساعدنج حبوبه
انا مرتين سرت تركيا وكنا نتعامل مع واحد تركي يعرف يرمس عربي سرناها بالشتا والصيف بس نتي بتسيرينها بالربيع ان شاء الله انا قبل سرت يلوا وايد روعه وبورصه بعد حلوه بس مب نفس حلاه منطقه يلوا وسرنا اسطنبول بعد وأوزنجول انا انصحج تسيرين انطاليا يقولون حلوه بس نحن ما سرناها وبودروم بعد يقولون حلوه اوزنجول روعه بس تسيرون لها طيران داخلي بس نصيحه لا اطولون فيها وايد يكفي لها يومين بس نحن سرناها وتمينا 4 ايام لاعت جبودنا لنه منطقه ريفيه على بحيره للاسترخاء بس يكفيها يومين . يوم بتسيرون اسطنبول احجزوا جريب ساحه التقسيم نحن حجزنا بفندق تايتنك فندق جدا راقي . وبينه وبين التقسيم 5 دقايق بس مشي . هاللي اعرفه اتمنى اكون فدتج لو شويه ..^.^ والله يهنيج بحياتج وتستاسين بهالهاني موون ..
اذا رايحه ف شهر 4 انصحج تروحين بورصه فوق الجبال شي ثلوج ,, وعاد اسألوا اول شي اذا شي ثلوج هالسنه ولالا انا رحت العام شهر 4 الجو كان يوم بارد ويوم عادي بس كانت وناسه بالذات ان مافيها عرب بهالوقت ,, وشسمه بعد م ف اسطنبول خذوا رحله فالبحر فالباخره بتستانسون وايد وبعد حديقة ميني تورك ف اسطنبول تخبلت عليها انا ,, كنت منزله الصور بس ماعتقد بتتبطل الحين لانها يديمه ^__^
ابـ سبحان الله وبحمده,, سبحان الله العظيم..