مرحبا عزيزاتي حبت انزل هالموضوع للي بيسافرون بريطانيا وبالذات للي اول مرة بيسيرون سواء لندن او مناطق ثانيه انا زرتها حابة افيدكم ببعض المعلومات اللي ممكن تستعينون فيها اذا سافرتو من خلال ال 4 سنوات اللي عشتها في بريطانيا اثناء دراستي زرت مناطق كثيرة سواء رحلات مع الجامعه او مع قروب اللي حابة تسافر وتوفر بعطيج برنامج او جدول يوفر لج نص المبلغ لو حجزتي عن طريق شركة سياحيه او مكتب اذا انتي سويتي كل شي و اونلاين اوفر لج ب 50 % تقريبا يعني اقتصاد في اقتصاد وفي نفس الوقت تسيري وانتي مطمنه ومرتاحه طبعا ببدألكم بلندن والمناطق اللي حواليها كيف توصلي لها وشو المولات والاسواق الموجوده وكيف تحجزين التكت وحجوزات الفنادق وغيرة عن طريق النت حجوازات الفنادق في لندن عن طريق هالموقع اسعار هالموقع وايد وايد مناسبه وتلقين فنادق 3 او 4 نجوم بأسعار في متناول الجميع في هالموقع تقدرين تختارين العمله ويطلع لج السعر بالدرهم ويوضح كل شي عن الفندق و الحجز سهل جدا فيه حتى بالفيزا ديبت كارد يستوي الرابط للمزيد... للتنقل في لندن اريح واسهل لج واوفر استخدمي الباص وافضل من الاندر قراوند تقدرين اطلعين بطاقة لمدة اسبوع ب 13 باوند تستخدمين كل الباصات والى كل مناطق لندن وفي كل الاوقات وتلقينها في في البقالات الصغيرة بالنسبه لتذاكر مدام توسودس ادخلى على هالرابط واحجزيها اونلاين اوفر بنص القيمة اذا اشتريتها من عندهم في نفس الوقت ب 28 باوند واذا تحجزينها اونلاين ب 14 باوند بس وفي انواع من التذاكر يعني تذكرة للندن آي ومدام توسودس او تذكرة القروب او العائله وكل شي موضح في الرابط والحجز سهل وبسيط وما ياخذ من الوقت اكثر عن دقيقتين للمزيد... اذا حابة تغيرين عن اجواء لندن تقدرين تسيرين منطقة سويندن يطلع القطار من محطة بادينقتون الى سويندن تقريبا نص ساعه بس وهذا رابط القطارات وتقدرين تحجزين التذاكر اوفر من لما تحجزيها نفس الوقت من شباك التذاكر للمزيد... تحطين من وين الى وين والتواريخ وتكملين الخطوات نفس ماهو مطلوب لين توصلين للدفع سهل وبسيط جدا وما ياخذ وقت ويقبلو كل بطاقات الدفع واللي عليج تطبعين الحجز وترويهم هناك في شباك الذاكر عشان يعطونج التذكرة ملاحظة : تقدرين اطلعين بطاقة تخفيض من شباك التذاكر سواء كنتي انتي وزوجج او عائله او كبار السن تطلع التذكرة ارخص من شباك التذاكر وارخص اونلاين ...
سويندن فيها هالمول حلو و موضح فيه شو الاماكن الموجوده للمزيد... في منطقة ثانيه اسمها بورتسموث وفيها مول حلو بعد وفيه كل المحلات وفيها بحر ورحلات بحريه بس احلى في الصيف هالرحلات وتقدرين تحجزين تذكرة من النت من اي محطة بلندن بادنقتون او يوستن او فكتوريا شوفي الاقرب لج وين ويسير القطار الى محطه عدال المول في بورتسموث اسمها هاربر وهذا رابط المول فيه مطاعم وسينمات بعد للمزيد... فيه فندق في مناطق بريطانيا تقريبا وهو فندق اقتصادي وتوه من فترة بسيطه فتحوه عندنا في البلاد في دبي بالتحديد اسمه ايبيز ibis وفي منه فلندن بعد بس لازم تستخدمون الباص او الاندرقراوند للاكسفورد او البكدلي او بوند ستريت وهذا الرابط مالهم وهذا فرع اللي عدال يوستن ستيشن اللي هي محطة القطار وهناك في باصات واندر قراوند يوديج اي مكان تبينه للمزيد... حبيباتي اتمنى اكون افدتكم وان شاء الله بكمل باقي المناطق والأماكن اللي ممكن تزورينها والاسواق والاماكن السياحيه والقصور والمتاحف واللي عندها اي معلومات ممكن تفيدنا بعد و كلنا نفيد ونستفيد واي معلومات و اي سؤال رجاء على العام ......
عشان الكل يستفيد ودعوة منكم تكفيني وانتضروني ان شاء الله بكمل .
ما شاء الله موضوع متعوب عليه
- اللهم ارزقني قبل الموت توبة وعند الموت شهادة وبعد الموت جنة* *اللهم ارزقني حسن الخاتمة* *اللهم ارزقني الموت وأنا ساجد لك يا ارحم الراحمين* *اللهم ثبتني عند سؤال الملكين* *اللهم اجعل قبري روضة من رياض الجنة ولا تجعله حفرة من حفر النار*
تسلمون خواتي
اي استفسار حياكم عشان الكل يستفيد